Ez da Mikelek gure programan parte hartzen duen lehen aldia. Dokumentalista nekaezina,
XIX. mendeko irudi eta istorio harrigarriak ematen dizkigu beti, oraingo honetan bezala:
Emakume esploratzaileak XIX. mendean. Mundua handia eta oso ederra delako etxean
geratu ez ziren bost emakumeren istorioa.
Hona hemen berak bidalitako laburpena:
"XIX. mende erdi aldera europarrak mundua esploratzeari ekin zioten. Mapak zuri zeuden
lurraldeetan barrena murgildu ziren eta, Parisen, Le Tour du Monde aldizkaria sortu zen
1860ean, esploratzaile hauen kontakizunak jasotzeko.
Bertan, esploratzaile hauen
testigantzak munduaren irudi zabala eskaintzen digute, gehienetan gizonezkoena. Baina
izan ziren emakume esploratzaileak ere. Hitzaldian aldizkari honetan aurkitu
ditugunetako batzuk aipatuko ditugu: Ida Pfeiffer (1797-1858) austriarra, Lisa
Barbier Cristiano (1827-1853) frantsesa, Alexandrine Tinné (1835-1869)
herbereetarra eta Florence von Sass (Lady Baker) hungariarra (1841-1916) dira
nagusienak. Dena den, besteren bat ere aipatuko dugu, bereziki Isabel Urkiola (1854-1911) gasteiztarra.
Orokorrean esan dezakegu gizon esploratzaileek erakusten ez
diguten indigenekiko ikuspegi ulerberago bat aurkitu duguna, ausardi eta trebetasunez
maila bereko espediziotan murgildu ziren emakume adoretsu hauen artean.
Informazio gehiago: Emakume Esploratzaileak
No hay comentarios:
Publicar un comentario