Joxemari Iturralde (Tolosa, 1951) hainbat genero landu
dituen idazle oparoa da. Filologia Erromanikoa lizentziatura
burutu zuen eta erretiroa hartu arte, katedraduna izan zen
irakaskuntza ertainetan, Euskara eta Euskal Literaturaren
alorrean. Gainera, Euskaltzain urgazlea da.
Hitzaldi
honetan bidai literario batean murgilduko gaitu idazleak.
Izan ere, esan digunez, “historian zehar, izan dira gurpila
erabili ez zuten gizarte handiak, baina ez da existitu gizarte
bakar bat ere istorioak kontatu ez dituenik. Eta hori da, hain
justu ere, Literatura: istorioak kontatzea. Istorio bat
kontatzen dugunean, liburu bat irakurtzen dugunean, bidaia
bat egiten dugu, hasi, segi eta amaitu arte. Bizitza ere
horixe da, bidaia bat. Esan daiteke bizitzaren jakinduria
liburuetan dagoela.”
Beraz, “euskaldunak garenez eta
Euskal Herrian bizi garelako”, literatura eta bizitza uztartuko
ditu hitzaldi honetan Iturraldek, bidaia sinboliko bat eginez,
hemendik abiatu eta munduan barrena ibiliz.
Horretarako, liburuak, ibilaldiak, istorio bitxiak,
pertsonaia ospetsuak, anekdotak... erabiliko ditu.
Argazkien kreditoa: Julio Iriarte
Informazio gehiago: Joxemari iturralde -Auñamendi-, Joxemari Iturralde -Basqueliterature-
No hay comentarios:
Publicar un comentario