Joan zen abenduaren 2an, Jose Mari Velez de Mendizabalek Kulturate aretoan
“Hezkuntza Arrasaten” izenburupean hitzaldia interesgarria eman zuen.Bertan eta bi orduko iraupenenarekin, hezkuntzaren gorabeherak eta ezaugarriak azaldu
zituen. Azpimarratu zuen nola hezkuntzan egindako inbertsioa inoiz egindako
garrantzitsuena eta onena izan den. Hitzaldiari erdi aroko garaiarekin hasiera eman zion.
Herriko gizon ospetsuak Juan de Garibay -Erregearen idazkaria- eta bere familiako Juan de Araozek teologiako ikasketetan
egiteko modua ipini zuten Arrasaten. Ikasketak Frantziskotarren eskutik zabalduko
ziren eta Oñatiko Unibertsitatera joateko balio izango zuten. Baita ere Pedro de
Marquinak Cuencako kalonjeak euskaraz dotrina erakusteko ekimena azaldu zuen baina
ez zer aurrera eraman. Ikasketak ikasle dirudunak bakarrik egiten zituzten besteak
heziketa profesionalera bideratzen zirelarik. Hauen irakasleak: forjan edo aroztegiko
artisauak ... izaten ziren. Kontuan eduki behar da garai hartan udaletxearentzako zelako
garrantzi eskasa zuen hezkuntzak. Geroago derrigorrezkoa bihurtu zen eta udaltzaina
zen eskolara joaten ez ziren haurren kontrola zuena. XX. mendean hezkuntzak
garrantzi haundia hartzen du Pedro Viteri, Felix Arano eta Teresa Garciaren maisu-
maistren eskutik. Beraiek izan ziren gaurko eguneko hezkuntza martxan jarri zutenak
eta honekin batera garapen sozial eta ekonomikoa lortzeko lehen urratsak ipini
zituztenak. Baita ere ezin ahazteko Arrasateko hezkuntzan parte hartu zuten erlijiosoen
ordenak: Mercedariak, La Asunción (cucarachas) eta San Viatorko fraileak. Gerra
ondoren 1938an, aprendiz-aien eskola sortu zen baina hau bakarrik Union Cerrajerako
langileen semeentzako zen. 1943ean, Arrasateko lanbide heziketarako 1. Eskola
jaiotzen da. Nahiz eta Union Cerrajerakoakin bat egitea proposatu, ez zen lortu. Sortu
berri den eskola hau aurrerantzean sortuko den Mondragon Unibertsitatearen hazia eta
hasiera izango da. Emakumearen eta euskararen presentziari buruz ere aipamena egiten
du. Hitzaldia oso interesgarria izan zen eta entzule ugari egon ziren.
1 comentario:
Eskerrik asko, Goienagusi
Zuzenketatxo bat:
Esteban Garibay ez zen Juan de Araozen koinatu, honen emaztearen senidea baizik.
Eskerrik asko eta nahi duzuenera arte,
Josemari
Publicar un comentario