Orain betetzen dira 10 urte Xabier Lete poeta mirestua hil zela. Hori
dela-eta Goienagusik hitzaldi hau antolatu du, omenaldi gisa.
Izan
ere, Xabier Letek hitzak jarri zizkion Euskal Herriari, eta euskaldun
guztiok daukagu barruan gordea Leteren hitzen bat. Nork ez du
ezagutzen, adibidez, “Xalbadorren heriotzean”?
Solasaldi honen
asmoa da, beraz, ezagutzen dugun horretatik abiatuta, Leteren obran
sakonago murgiltzea. Bere testuak eta abestiak oinarritzat hartuta,
haren ibilbideaz eta garapenaz, sormenaz eta pentsamenduaz
jardungo dugu.
Horrela, haren heriotzaren X. urteurrenean,
oroitzapen atseginaz gain, berrezagutze ariketa eder bat egin ahalko
dugu, Alex Gurrutxaga irakaslea lagun.
Alex Gurrutxaga (Zarautz,
1988). Doktore da euskal literaturan, eta, 2013-2016 bitartean, Xabier
Leteren Funtsa aztertu zuen. Gero, Xabier Leteren obraren gainean
egin zuen tesia, EHUn: “Xabier Leteren poetika: aldaeren azterketa
eta bilakabidearen irakurketa bat). Horretaz baliatuz, “Xabier Lete.
Aberriaren poeta kantaria” liburua argitaratu du aurten (Alberdania).
2016az geroztik, EHUn dabil irakasle. Memoria Historikoa
Literatura Iberiarretan ikerketa taldeko kidea da, eta hainbat
argitalpen ditu poesiaren azterketaren esparruan.
Literatura
kritikari gisa, han eta hemen kolaboratu du, hala hitzaldi-solasaldi
formatuan nola artikuluen bidez (Berria, Euskadi Irratia, Info 7, Erlea,
Caravansi, eta abar).
Azkenik, Arrasateko Liburutegiak antolatzen
dituen Literatur Solasaldietako koordinatzailea da, euskarazko
liburuen sailean.
Argazkien kreditoa: Julio Iriarte
Informazio gehiago: Xabier Lete, Wikipedian
No hay comentarios:
Publicar un comentario