Jose Ramon Garaik Euskadin Gerra Zibilaren inguruko kontakizuna
egin digu Elgetako Memoria Historikoaren euskal interpretazio
zentroan, gerraz hitz egiteko ingurune paregabean. Hasieran, “Gerra
eta errepresioa Elgetan” bideoa ikusi dugu, non 1936-37 Elgetan
gertatutako pasarteak kontatzen diren lekukoen edo oso gertukoen
ahotatik. Ondoren, Deba Garaian gerrak izan zuen bilakaera azaldu
digu Jose Ramonek ondo landutako dokumentazioan oinarrituta.
1936ko altxamendu militarraren aurreko borroketan Monarkiak eta
Espainiako elizak izan zuen parte-hartzea azpimarratu du, baita
jeneral errebeldeen prestaketak. Bi aldeen bitartekoen
desberdintasunaren eragina eta gerraren garapenean izan zuen
garrantzia nabarmendu du. Azkenik, Elgetako borrokaren garapena
eta Intxortaren erorketaren gertaera politikoak eta parte-hartzaileak
berrikusi ditu. Hitzaldia “Intxortako atea” monumentuaren bisitarekin
bukatu dugu eta Jose Ramonek orain dela 81 urte gertatutakoak
azaltzen jarraitu du.
Argazkien kreditoa: kutxako fototeka; Itzulpena: Arantza Gabiriari esker
No hay comentarios:
Publicar un comentario